Presidenti i Azerbajxhanit Ilham Aliyev tha se Azerbajxhani dëshiron që të zgjidhë konfliktin mbi rajonin e Nagorno-Karabakh politikisht dhe ushtarakisht.
Ai kërkoi që forcat etnike armene të largohen nga territori i rajonit në mënyrë që t’i jepet fund konfliktit.
Deklarata e tij vjen pasi Armenia dhe Azerbajxhani akuzuan njëra-tjetrën të hënën për shkeljen e armëpushimit të ri të ndërmjetësuar nga SHBA në luftimet mbi zonën malore të Nagorno-Karabakut.
Armëpushimi i tretë në pak më shumë se dy javë hyri në fuqi në 8 të mëngjesit. Brenda pak minutash, ministria e mbrojtjes e Azerbajxhanit tha në një deklaratë se forcat armene kishin bombarduar fshatra në rajonet Terter dhe Lachin.
Luftimet e fundit në Nagorno-Karabak, një pjesë malore e Azerbajxhanit e populluar dhe e kontrolluar nga armenët etnikë, shpërthyen në 27 shtator dhe janë më të nxehtat në Kaukazin e Jugut që nga vitet 1990.
Ndërkohë, dy armëpushime të ndërmjetësuara nga Rusia nuk janë zbatuar.
