Kosova, Maqedonia e Veriut dhe Bullgaria kanë firmosur një marrëveshje me SHBA-në për sigurinë e rrjetit 5G, nga kompanitë kineze si Huawei. Marrëveshjet u firmosën në një ceremoni të mbajtur të premten online nga sekretari amerikan i shtetit Mike Pompeo. Të trija vendet u bënë pjesë e nismës për një Rrjet të Pastër, të teknologjisë.
Nënsekretari amerikan për ekonominë dhe energjinë, Keith Krach tha se Kosova është një partner strategjik dhe e përshkroi ceremoninë si provë e miqësisë së dy vendeve.
E njëjta marrëveshje u nënshkrua edhe nga Serbia në shtator, gjatë takimit me presidentin Trump. 10 ditë pasi Serbia firmosi marërveshjen në Shtëpinë e Bardhë, për të mbajtur larg kompanitë kineze, kompania Huawei njoftoi hapjen e Qendrës për Zhvillim dhe Inovacion në Beograd. Gjithashtu, kësaj nisme iu bashkua edhe Shqipëria në prill të 2020.
