Turqia duket se ka vendosur t’i përgjigjet stërvitjes së madhe greke në jug-lindje të Kretës duke zhvilluar vetë atje një stërvitje detare gjatë ditëve në vijim.
Mediat greke raportojnë se marina turke ka publikuar përmes NavTex-it koordinatat ku do të zhvillohet stërvitja, e cila përkon me një zonë të madhe në jug-lindje të ishullit më të madh grek, Kretës.
Stërvitja është njoftuar edhe nga mediat turke, të cilat e quajnë atë një “përgjigje të ashpër ndaj aleancës mes Greqisë dhe Francës në Egje”, raporton abcnews.
Pak ditë më parë, marina greke zhvilloi një stërvitje detare në të njëjtën zonë duke fundosur ndër të tjera edhe një anije ushtarake përmes silurëve të nëndetëseve dhe raketave të anijeve.
Ky veprim u cilësua si një provokim i rëndë nga Turqia duke sjellë edhe përgjigjen e tyre.
FOTO:
