Pas përjashtimit nga grupi parlamentar i PD-së, ish-kryeministri Sali Berisha ka nisur një lëvizje kundër kryedemokratit Lulzim Basha dhe kërkon që ta largojë nga drejtim i partisë.
Mirëpo në krah të Berishës duket se është dhe Presidenti Ilir Meta. Ai ka zhvilluar sëfundmi një takim me aktivisten shqiptaro-amerikano Evi Kokalari, e cila i është bashkuar lëvizjes së Sali Berishës me pretendimin se përfaqëson republikanët amerikanë.
“Ishte kënaqësi e madhe të takoja më në fund presidentin Ilir Meta. Faleminderit për drekën dhe bisedën e zhvilluar”, – shkruan Evi Kokalari.
Nuk dihet se çfarë po planifikon Presidenti i shkarkuar nga Parlamenti, Ilir Meta me këto lëvizje të fundit.
