Në Pikën Kufitare të Kapshticës pala greke nuk lejon asnjë automjet me targa shqiptare që të kalojë kufirin. Një urdhër i tillë i prerë është dhënë nga policia greke duke krijuar fluks dhe radhë në kufi.
Mësohet se policia greke ka kthyer mbrapsht dhjetra automjete me të cilat shqiptarët ishin nisur drejt vendit fqinj.
Një vendim i tillë do të qëndrojë në fuqi të paktën deri të hënën e ardhshme.
Ndërkohë automjetet e kthyera janë kryesisht në pronësi të shtetasve që kanë dokumentacion grek dhe që janë rezident në Greqi.
