Politikani holandez Arnud Van Dorn postoi disa cicërima në profilin e tij në Tëitter në mbështetje të fushatës muslimane kundër Francës, pas deklaratave fyese të Macron-it kundër Islamit dhe muslimanëve.
“Kuvajti, Turqia dhe Katari tashmë kanë filluar një bojkot të produkteve franceze, gjë që është mirë. Shpresojmë që më shumë vende të bashkohen së shpejti,”shkroi Dorn.
Në një cicërimë tjetër, Dorn u bëri thirrje muslimanëve francezë të dilnin në rrugë, duke thënë: “Muslimanët në Francë nuk pranojnë më padrejtësi dhe kufizime të të drejtave. Dilni në rrugë (me qetësi) dhe kërkoni të drejtat tuaja, kjo do të jetë e mjaftueshme. Ne nuk duam një gjenocid tjetër francez si ai që bënë në Algjeri! ”
Dorn paralajmëroi shkollat holandeze të mos marrin pjesë në fushata anti-muslimane, duke thënë: “Dhe nëse shkollat në Hollandë marrin pjesë qëllimisht në këtë fushatë anti-muslimane, Hollanda mund të presë të njëjtën gjë. Kështu që ne do të shohim se si funksionon, përveç dëmit ekonomik që Corona ka bërë tashmë”.
Arnaud Van Dorn, 53 vjeç, është një ish-anëtar i partisë hollandeze në pushtet (PVV), partia e ekstremit të djathtë kundër Islamit dhe muslimanëve. Ai e mori armiqësinë ndaj Islamit si idenë kryesore të çdo fushate elektorale, dhe së bashku me kreun kësaj partie, një islamofob dhe ekstremist i mirënjohur, Geert Wilders, bënë një film fyes për Profetin Muhamed, i quajtur “Fitna”. Por më pas, në pranverë të 2013, ai njoftoi kalimin e tij në Islam.
