Detyrimi i vendosjes së maskave në publik, ka shkaktuar reagime të shumta. I tillë është edhe eksperti i njohur Erion Dasho, i cili nëpërmjet një statusi në Facbook tha se maska që ka mbajtur ministrja Manastirliu, nuk është efektive dhe nuk siguron mbrojtje.
Statusi i plotë:
“Zonja Ministre! Në kohën e COVID, maska mbahet për solidaritet. Maska ime ju mbron ju dhe maska juaj më mbron mua! Në se ju mbani një maskë me valvul, unë ngelem i pambrojtur!
Ju lutem, ngrini një komitet profesionist ekspertësh dhe jo amatorët që ju rrethojnë prej 6 muajsh dhe kanë bërë dëme të jashtëzakonshme në shëndetin, jetën sociale dhe ekonominë e shqiptarëve! Ata do të dinë se si t’ju këshillojnë!”, ka shkruar Dasho.
